泳兒：好多原因唔使咁多人知

吳浩康在電話中說：好震撼，佢咁嘅決定一定有佢原因，大家曾經合作過，但已經無聯絡，無論點只希望佢開心，支持佢決定。

鍾舒漫：聽到呢個消息，好意外愕然，我同Isabella於05年認識，喺活動度都見過幾次面，但佢離開咗公司同娛樂圈後，已經冇再聯絡，不過佢依家宣布分手，覺得好可惜，無論結婚或拍拖，宣布分開都係一件傷感嘅事，我會為佢祈禱，（支持佢復出？）佢任何決定我都會支持。

英皇娛樂集團行政總裁吳雨：我收唔到風，唔知呢個消息，件事我唔清楚，我唔回應啦。

泳兒：好驚訝，但我唔會過問，因為感情係兩個人之間嘅事，當中好多原因唔需要咁多人知，希望佢日後開心。（覺得可惜？）希望小朋友可以健康成長，父母分開係兩個人嘅事，相信佢哋會為BB着想。

李玟：希望佢（梁洛施）盡快Back to Normal。

黃奕：點解？（好愕然？）還好，因為呢個世界乜事都可以發生。感情事比較複雜，唔係一個人可以控制。她建議對方可以多做有意義的事，例如工作及慈善，並鼓勵說：「人生唔係只得一種感情，仲有親情友情同對社會嘅貢獻。」

曾與梁洛施於英皇共事的周秀娜經理人Roy在電話訪問中回應：佢生第一胎嘅時候我有喺佢Facebook留言恭喜，不過好耐無聯絡，唔知佢哋係咪分手。

蕭定一：吓！咁大煲

另外在微博亦有不少名人就梁李分手議論紛紛，一元製作公司老闆蕭定一以「吓！咁大煲」以及「知否世事常變？變幻才是永恒！」作評論；莊士集團太子爺莊家彬則以「So quick！」作回應；藝人趙碩之留言指「電影圈需要你。」