李澤楷被指事業心太強
李澤楷與梁洛施分手，震撼社交界，與李澤楷傳過緋聞的模特兒女友陳碧舸，卻不感到驚訝。身在上海的陳碧舸（Bonnie）昨接獲本報電話查詢李澤楷與梁洛施分手一事時，她說：「人喺感情方面無論係點變，對我嚟講都唔會覺得驚訝，佢哋仲年輕，有權選擇自己想做嘅事，不過人哋嘅事，我唔方便評論。」
雖然梁洛施在聲明上指會共同撫養小朋友，但三名小朋友始終不能與父母一起生活，陳認為：「小朋友最可憐，佢哋係無辜，希望同樣可得到家人嘅愛。」被問及李澤楷的為人時，她說：「佢係一個事業心好強嘅人，樣樣以工作為先，我諗同佢一齊生活嘅人會比較辛苦，由於工作關係，李唔能夠經常住喺一齊。」
另外，李澤楷前女友羅愛欣（Rachel）電話一直未能接通，記者致電她的父親Quincy Lloyd，了解是否知道李澤楷與梁洛施分手一事時，他表示不知情，又說：「我個女已有個好好嘅男友拍拖，唔想再講任何嘢去影響佢哋感情。」
林忠豪：尊重表哥私生活
至於李澤楷的表弟林忠豪，似乎一早便已經知道表哥分手的事件，他淡淡地說：「我唔方便答屋企嘅事，自己嘅私人嘢都唔講，更何況係表哥嘅，我好尊重屋企人嘅私生活，知唔知都好，都唔方便講。」被問及是否支持屋企人的決定時，林忠豪表示：「表哥係長輩，我對屋企人梗係支持。」