港府鬼祟諮詢《環珠江口宜居灣區建設重點行動計劃》，惹來一場香港「被規劃」風波。立法會發展事務委員會尋日討論有關諮詢工作，「大舊」社民連陳偉業乘機發難，大鬧煲呔曾無能，大舊指曾經作為中國對外窗口、角色舉足輕重嘅香港，今日竟淪為被廣東省「規劃」嘅配角，罪魁禍首就係煲呔曾，香港喺佢管治下變得半生不死，依家香港仲要送畀人任由「規劃」，令人憤怒！