春節過後，中環人又開始忙碌起來。尋日下午二點半，卓妮行經中環地鐵站美心快餐，見勞工界立法會議員潘佩璆啱啱醫完肚。呢間餐廳連座位都欠奉，卓妮問潘醫生因咩事咁趕，佢話近排好忙，跟住又趕去工聯會開會，頭先都係咁倒飯餸落肚咋。
潘醫生幫襯咗廿五蚊嘅雙餸飯，佢話有啲低下階層連廿蚊飯都食唔起。財政預算案公布前夕，佢呼籲政府應出招紓解民困。
（何偉鴻攝）
