新界總商會尋日喺尖沙咀舉行新春酒會，到賀嘅政商界嘉賓多不勝數，最矚目梗係自由黨榮譽主席田北俊（前排左一）同新民黨副主席田北辰（後排彎身站立者），事關田二少退出自由黨另起爐灶之後，兩兄弟喺同一場合公開露面，今次係第一次。
尋日兩人碰頭好好傾，旁人都有啲側目。卓妮見二少喺台上數十名嘉賓埋位後，仲伸長個身同坐喺前排嘅大佬密密傾，大少畀佢逗得好開心，唔知講緊咩呢？ （何偉鴻攝）
