食客街市公然吸煙擾民
政府於○七年在公眾場所實施全面禁煙，但違規吸煙情況依然嚴重。鍾先生發現上水古洞街市範圍雖貼有不少禁煙告示，但卻如同虛設，違規吸煙者觸目皆是，當中又以二樓食肆情況最為嚴重。鍾曾多次投訴，卻從未見有人到場執法，「嗰啲人仲喺正控煙辦個罰款告示下面食煙，咁耐都冇見過有管理員阻止，更加唔好講話有控煙辦（職員）啦！」
衞生署發言人稱，控煙辦公室自去年一月至今已接獲十六宗相關投訴，並曾進行十一次突擊巡查，期間共發出五張定額通知書。接獲本報轉介後已通知食物環境衞生署，要求街市管理員多加留意上址違例吸煙情況。
「連普通市民都忍唔住要投訴，控煙辦就更加應該多啲執法！」當區區議員侯金林認為，控煙辦作為執法部門，有責任加緊巡查及檢控，杜絕公眾場所如街市等地的違規吸煙問題。