政情：亞太區最高薪政治人物 煲呔曾年袋410萬排第二
財經頻道CNBC報道，亞太區最高薪嘅政治人物係新加坡總理李顯龍，年薪二百二十萬元美金，即係一千七百萬港紙，認真唔嘢小！排第二嘅係年薪四百一十萬港元嘅煲呔曾，比排第五位嘅日本首相菅直人，高一倍人工。煲呔曾咁高人工，究竟做過啲乜？
官富民窮 最佳例證
新加坡喺李顯龍管治下，近年旅遊業大旺，上年經濟增長一成四，最難得係李顯龍唔似煲呔曾做守財奴，預算案啱啱宣布以三十二億元坡紙，即約二百億港元「派糖」利民紓困。
相比之下，煲呔曾六年嚟政績乏善足陳，呢兩年更加翹埋雙手乜都唔做等退休，早前有全國政協向佢提出利民紓困嘅意見，佢仲竟然大發老脾添，咁就
區內政治人物第二高薪，難為香港人喺通脹下勒緊褲頭過日子，大家睇到CNBC呢個報道，真係百般滋味在心頭，心裏冇怨氣就奇嘞。