中環耳目:江素惠推介賀菊魚子手卷

新年期間美食糕點停不了,貪靚一族如香江文化中心主席江素惠(Susie),梗係大喊吃不消。日前卓妮見佢喺置地廣場地庫嘅日本餐廳賀菊(KIKU)食午飯,同枱仲有高檔中式服飾「源」(Blanc de Chine)創辦人楊秉堅,原來兩人相識多年,當日兩人一邊論時政,一邊歎美食,默契十足。

好少公開露面嘅楊生,斯文有禮,當日着住自家品牌中山裝外套,襯埋自製嘅帆布側揹袋,有型有款,可惜佢繼續奉行低調,唔肯出鏡。楊生同Susie相識多年,最近仲搵Susie做「源」嘅名譽顧問添!Susie演繹中式旗袍嘅婀娜多姿形象深入民心,同「源」嘅另一位擁躉朱玲玲各有味道,楊生果然好眼光。

獨特醬料醃製冇腥味

講番當日嘅美食,Susie極力推介賀菊嘅三文魚子手卷,佢哋揀選日本最頂級三文魚子,再以獨特醬料醃製,咬落粒粒飽滿又冇腥味,夠晒清甜鮮美。Susie好鍾意食日本菜,貪佢清淡唔肥膩,難怪佢keep得咁好啦!

Money18新功能「18好路數」為你預測心水股票升跌機會率