貨車違泊塞位阻電單車
貨車違例停泊令電單車駕駛者無法泊車，警方卻「唔踢唔郁」懶於執法！李先生不時在火炭長瀝尾街停泊電單車，近日發現常有多輛大型貨車停泊在車位前方並造成阻擋，令電單車駕駛者「有位泊不得」，「警察明明行過見到啲貨車亂咁泊都唔抄牌，咁係咪逼我哋（電單車者）都要違泊吖？」
警方指沙田警署一直有派員到火炭工業區一帶進行交通執法行動。接獲本報查詢後已派員加強執法，並會繼續按照「靈活執行交通法例政策」採取檢控行動。不過，李先生卻對有關回覆大感不滿，「我只係見佢（警方）抄過一次牌，之後咪一直有貨車阻位，離晒譜！」
沙田區區議員劉偉倫狠批警方疏於執法。「警方應該加強同加密執法，就算唔抄牌都要勸喻違泊司機離開啦！」劉指警方縱容貨車司機違泊，變相對合法泊車的司機有欠公平，促警方須正視問題。