牛頭角污水倒灌淹食肆
渠務署涉監工不力，更疑為倒灌禍端！觀塘牛頭角道多間食肆出現集體污水倒灌，兩個月內更累計有十四宗之多，令小商戶大受影響，懷疑事件與渠務署在附近進行工程期間僅以木板遮蓋沙井、令渠道淤塞有關，但承建商與渠務署卻互相推卸，拒絕承認責任，令小商戶投訴無門。立法會議員形容倒灌事件「離譜」，質疑承辦商做法有欠專業，促當局加強監督。
「幾次都係飯市時間先嚟浸，搞到成地污糟水，你話點做生意？搞番好啲客都走晒啦！」商戶阮先生指過去數月間，舖內排污口曾多次出現倒灌，每次均無法經營，令生意大受影響，保守估計，每日的金錢損失高逾兩萬元。阮懷疑倒灌事件與附近渠務工程有關，「後巷近排一做工程就有倒灌，搵承建商傾，佢哋就叫我搵渠務，渠務又話判咗出去，將我哋當波咁踢！」阮不滿部門與承建商拒絕承認責任，每遇問題時均投訴無門。
渠務署發言人證實，曾就上述倒灌事件接十四宗投訴，並指倒灌頻密乃渠道淤塞所致，已清洗有關渠道，而該署正於牛頭角道後巷進行「九龍中部及東部污水收集系統改善工程」，新鋪設的污水渠直徑將比現有污水渠擴闊一倍。不過，發言人強調，倒灌事件與改善工程無關，至於被指與承建商互相卸責一事，發言人則未有回應。
「點會無關！成個沙井蓋打開咗，點知跌咗啲咩落個井塞住晒！」阮指餐廳後巷沙井開啟多時，惟一直僅以木板覆蓋，「有次倒灌仲沖咗條木方出嚟！」
僅用木板蓋沙井欠專業
就小商戶的指控，渠務署發言人承認工程承建商曾於去年十一月拆去現有沙井部分牆身及上蓋，以騰出空間施工，現時以木板覆蓋沙井。發言人重申，已敦促承建商加快工程進度，務求將對公眾影響減至最低。
觀塘區區議員陳華裕亦稱，過去曾接獲有關商戶投訴，直斥渠務署敷衍推搪，「條渠係渠務嘅，佢哋有責任去處理渠道淤塞！」
「一般修橋搭路都會冚塊膠板啦，就咁求其幾塊木板係咪真係夠呢？」立法會環境事務委員會主席陳克勤質疑承辦商僅以木板遮蓋沙井做法並不專業，亦擔心木板「唔夠力」，隨時成為坑人陷阱。陳續指，即使工程外判，渠務署亦須負上監工的責任，「如果倒灌真係同工程有關，商戶可考慮向渠務署追討賠償！」
記者 梁卓怡