政情：范太批長毛毀議會莊嚴

雖然政府喺就業交通津貼計劃上多次讓步，但部分立法會議員仍不滿政府以「擠牙膏」方式回應，社民連梁國雄前日更喺會議上四度向勞工及福利局局長張建宗掟膠樽以示不滿，搞到張建宗無奈話，若然掟嘅係腐蝕品，睇怕要申請工傷賠償。曾任立法會主席嘅全國人大常委范徐麗泰，尋日就批評梁國雄掟膠樽行為有損議會莊嚴，相信大部分市民唔希望見到愈來愈多呢類行為，最終只會減低市民對立法會嘅接受程度。