溫馨節日 市民輪水一肚氣
本來溫馨的情人節，卻變成在寒風中呆站輪水，難怪不少長亨邨的居民至今仍一肚氣。陳先生乃斷水當晚受影響的居民之一，他當晚接近十一時仍在輪候食水，人龍更一度多達數十人，居民當時一直不知道水務署遲遲未能派出水車的理由，當他昨得悉原因，乃因為職員當晚拒絕處理突發事件後，即時無名火起三千丈：「情人節大晒咩？話唔做就唔做，啲渠一定辦公時間爆㗎咩？」
水管爆裂後，陳先生一直不見水車駛至亨緻樓一帶，亨緻樓和亨業樓的居民只好使用附近的消防喉取用食水。他憶述，當晚排隊取水的居民絡繹不絕，惟因在消防喉取水的效率始終不及水車，加上當晚天氣寒冷，輪候的居民無不怨聲載道：「真係唔明，點解可以容許啲員工唔聽指令，政府工真係易做！」
當區區議員雷可畏憶述事件時仍忿忿不平，直言過了最難忘的情人節。雷批評，水務署當日的安排極為混亂，管理公司傍晚五時許已通知他食水喉爆裂，遂即時嘗試聯絡各政府部門，他亦曾嘗試聯絡當區民政事務專員，可惜不得要領，只可透過其他職員轉達他及居民的憂慮：「個個電話都冇人聽，係唔係情人節趕住放工？真係好過分，又話急市民所急，原來得個講字！」
連累區議員被鬧
雷可畏稱，水務署首輛水車晚上八時許才抵達，當時大部分居民都已等得極不耐煩，由於只得一輛水車，亨緻樓和亨業樓兩座的居民始終未能獲供應食水，憤怨更甚：「連我都畀啲居民鬧到差啲想喊，不過我明白居民感受，邊個估到水務署會咁好笑，啲員工竟然拒絕奉召到場吖！」第二輛水車於凌晨十二時才抵達現場，雷可畏指一切都已太遲，居民大都已回寓所休息，不需使用水車的服務。
本報記者