連串選舉掀起戰幔，各黨各派紛紛出奇招突圍。由自由黨分裂出嚟嘅經濟動力，今年將派約十人出戰，議員林健鋒（Jeffrey）尋日同傳媒聚會，不忘暗寸近期高調復出嘅自由黨榮譽主席田北俊，話經濟動力絕對唔會好似自由黨咁派叉燒飯，聲言落區了解市民需要，再搞講座幫佢哋解決難題，比派飯來得更實際同直接喎。
不過，如果經濟動力只係齋talk、乜都唔派，會唔會真係吸到選票呢？
