探射燈：標準稅率 愈有錢愈着數
本港的貧富差距愈拉愈闊，惟有「劫富濟貧」才能解決民生問題。經濟學家建議可從稅制方面着手，盡快取消標準稅率（最高收入一群人的薪俸稅率），促使打工皇帝等高薪人士繳交相應合理的稅款，令社會達至更公平，「有錢人唔係受保護動物，佢哋嘅稅率無理由仲低過最高邊際稅率！」
嶺南大學經濟學系教授何濼生表示，現時的標準稅率是百分之十五，「其實全世界都無用標準稅率，好應該取消。因為依家嘅最高邊際稅率係百分之十七，有錢人嘅稅務負擔反而少啲，咁係唔公平嘅，賺得愈多要回饋更多至啱，否則只會令人覺得富人好着數，變咗受保護動物。」
促引入「資本增值稅」
要解決貧富懸殊問題，何濼生建議政府應效法美國、加拿大等國家，引入「資本增值稅」，向一些透過炒股、炒樓而獲利豐厚的人徵稅，「例如利潤有百分之十五，可扣除通脹等因素，收取當中五個百分點嘅稅，亦係合理稅收。」
「當低下階層嘅生計都成問題，捱得好辛苦，回報仍然好低，社會就會衍生問題。雖然不至於會動盪，但窮人去燒炭，消極咁面對，咁樣點講和諧、關愛社會？」何濼生認為政府在紓緩基層的負擔方面更應加大力度，改善稅制，來達到財富重新分配。