探射燈：港人回流 深圳再非「避難所」

出街用膳唔平唔抵

「深圳啲嘢真係貴到傻晒呀﹗」工聯會深圳諮詢服務中心助理主任潘志輝定居深圳兩年，完全體會到當地物價飛漲之苦。「以前兩公婆落街食頓飯廿零三十蚊人民幣已經好豐富，依家五、六十蚊先可以落樓，同香港都無咩分別。」潘更指深圳的日用品價格比香港高，同一牌子的廁紙，在香港賣港幣二十三元，深圳卻要二十八元人民幣，兌換港幣後高出至少八元。

百物騰貴，除了趕絕北上玩樂人士外，房價上揚亦逼一眾移居深圳的港人埋牆角。以潘志輝為例，過年前收到內地業主通知，其租住的三百多呎單位會由一千九百元人民幣，加租至二千五百元人民幣，「好多民工得二至三千蚊人工，已經頂唔順深圳嘅生活指數。」加上內地炒風熾熱，連眉豆、綠豆都可以炒高幾倍價錢，潘直指不少曾移居當地的港人已紛紛回流，免除物價之苦。