自從年初三發叔喺車公廟為香港求得中籤，籤文「威人威威不是威」立即成為潮流金句，人人都琅琅上口，因為呢句真係放諸四海皆準，除咗鍾意認威嘅人要自我警惕之外，創意無限嘅八十後青年亦惡搞呢句為「規人虧規不自規」。
反對香港被規劃行動組發起人陳榮慰用佢嚟窒規劃署署長梁焯輝，話梁喺環珠江口宜居灣區建設重點行動計劃研究中，身為規劃師，竟然任由內地規劃香港，自己唔去規劃，真係好「虧」。
