香港去年中爆出「惡導遊」阿珍辱罵內地旅客事件時，負責旅遊政策嘅商務及經濟發展局局長劉吳惠蘭當時竟然「潛咗水」，冇即時企出嚟承擔責任。事隔短短半年，香港又再爆出「翻版阿珍」阿蓉同旅客打架醜聞，仲要畀內地官方中央電視台廣泛報道，再次令香港丟臉。今次「阿蘭」又再玩「潛水」，放完假至施施然出嚟講嘢，事件再一次暴露政府及旅議會對旅遊業監管不力。如果再爆多幾個「翻版阿珍」，睇怕「阿蘭」都好應該問責下台囉！