家華感激祖父疼錫
【本報訊】賭王何鴻燊家大業大，但對於每名家庭成員都悉心照顧。長房孫女何家華（Faye）接受本報專訪時透露，因為父母早逝，她由拍拖、結婚至離婚，祖父何鴻燊都對她關懷備至。○九年她與外籍丈夫Michael鬧離婚，一向重視家庭的賭王提出反對，還質問是否孫女本身有問題，直至家華離婚後，賭王仍耐心游說她嘗試復合，最終家華花了很長時間才獲得諒解。家華稱，可見祖父是一個很傳統的人，她亦對祖父心存感激。
講及婚變，何家華認為主因是Michael性格大變，二人經常發生爭執，最後由她主動提出離婚。她說：「我哋○三年結婚，當時喺美國，因為911之後好難搵工，於是我哋○四年過咗澳門幫我爺爺（賭王）手」，可能他和澳門當地人語言不通，以致工作壓力大及變得脾氣暴躁，但他又不肯講出來，令她覺得好孤立，夫婦經常吵架。家華覺得對子女不好，所以決定離婚。離婚後由她撫養一對子女，每逢假期都會帶小朋友到美國探望前夫，二人關係反而有所改善。
抑鬱幸獲妹妹姨媽開解
她坦言當年婚變令她一度抑鬱，幸得妹妹及姨媽開解及分享。被問到會否覺得離婚可惜，她直言：「有啲，可惜嘅係我父母好早就唔喺度，有啲人拍拖會帶男女朋友見父母，父母會畀意見，我由細到大都係靠自己去摸索，雖然爺爺會睇住我成長，但佢係一個大忙人，所以小事我都唔想煩佢。」她透露賭王曾對她說：「你有男朋友唔緊要，係結婚對象先好帶畀我睇。」
○一年十一月，家華與Michael相識，翌年八月便打算結婚，「當時賭王叫我哋行耐啲先，但我哋都喺○三年二月就結咗婚，可能行耐啲會睇清楚少少，之後就算我再識到其他人，我都唔會再咁快結婚。」
家華表示，祖父何鴻燊是個傳統的人，當年他得悉孫女要離婚，即大興問罪之師，她說：「佢反問我係咪我有問題，問我點解要離婚，後來花咗一段時間佢先明白到我哋有乜問題，先接受到我要離婚呢件事。」後來賭王叫他們兩人嘗試復合，家華最終向賭王坦承挽回婚姻不成功。