探射燈：天生懶散熱衷研製機械人
阿Ray笑言天生懶散，愛上電腦，因預設的電腦程式能自動完成任務，可坐享其成。而買「仔」賺到第一桶金後，阿Ray滿腦子計劃，正積極探索製作機械人的可行性，而創作泉源亦由「懶」出發。
男人一向不愛做家務，阿Ray也不例外，故想製造一個機械傭工，幫忙打理家務，「技術可以做到，但成本要成三、五萬蚊，朋友話請個外傭仲划算。」一語被「打沉」，計劃即時泡湯。阿Ray再接再厲，構想製造一個「遙距存在」機械人，協助「照顧」老弱，「喺街用手機可遙控機械人，幫你睇吓屋企啲老人家或BB嘅情況，同埋有螢幕可以視像對話。」主意不錯，卻又是成本累事，「多過一萬（元）無人會買，會繼續搵啲新技術或方案，或只整畀自己玩囉！」
擬設立網上遺囑
另外，生活上突發事故，亦令阿Ray思潮作動，早前阿Ray遇上交通意外，車輛報銷，幸人未有受傷，意外令他突感死亡可以好接近，故想到設立網上遺囑，透過定期電郵確認是否仍在生，倘指定時間內沒有回應，電郵會轉寄預先設定的重要人物或遺產處理人，免連親人也不知道的私己錢，落入黑洞無人處理。