探射燈：鍾偉民食出錢途
民以食為先，靠「食」創出一片天的鍾偉民（Ray），為OpenRice（開飯啦）飲食網站的創辦人。創業從來不易，這個現在熱爆飲食界的搵食網，一度因資金撤走，陷入倒閉邊緣，憑藉阿Ray滿腔熱誠和無比堅持，更不惜「貼錢去開飯」，終走向成功，賺取到人生的第一桶金。他更寄語有意創業者，要逃過創業失敗的常規，一定要有熱誠，先會堅持，難關才會迎刃而解。
一講到食，總是七嘴八舌意見紛陳，諸如「去邊度食飯好？」、「食咩菜？」、「間食肆好唔好食？」要解決這場為食之爭，今天不少人會想起「OpenRice」。這個擁有約一萬六千間食肆資料、每月瀏覽用戶達一百八十萬的飲食網站，除是街知巷聞的搵食「網」書，亦令阿Ray賺到第一桶金，繼續發其創業夢。
經營基金網站 蝕20萬元
外表文質彬彬的阿Ray，自小對電腦有濃厚興趣，小六開始寫電腦程式，大學順理成章修讀電腦，對互聯網的功能嘖嘖稱奇，早視為創業的路向。九六年在美國完成學士課程後，阿Ray回港曾任職財經記者近一年，又在互聯網公司工作半年，儲夠資本及「知」本後，即開展其創業大計。
然而，阿Ray的創業之路，並非一帆風順。早在OpenRice出世前，他曾經營一個基金網站，但該「嬰兒」不夠半年便「夭折」，還賠上近二十萬元的血汗錢。堅決要在互聯網創一番事業的阿Ray，未有被嚇退，他再積極儲蓄，在九九年科技網火紅時期，乘勢再戰江湖，夥拍多名友人合資約一百萬元創辦OpenRice網站，「衣、食、住、行係人都要，港人又特別鍾意食，所以諗到整個飲食網站。」
社群平台 食客分享經驗
阿Ray憶說，網站原先構思類似飲食雜誌網上版，有聘請記者採訪食肆，但較雜誌優勝是有搜尋功能，及供食客品評的社群平台，「人人都可以係食家，食客可以喺平台分享食嘅經驗。」而所有食評並非照單全收，阿Ray會進行審批，剔除「做媒」者，「之前做過記者，知道求真好重要，每條入嚟嘅食評都會審閱，覺得冇造假，可信性較高，先會貼上。」
儘管審批食評開創先河，贏得可信性，卻得罪不少食肆，經營環境步步驚心，其後又遇上科網泡沫爆破，科網不再是神話，其他股東亦陸續退出，○三年沙士期間僅剩下阿Ray一人死守「親生仔」。
「有無諗過放棄？」阿Ray以堅定語氣說：「無，因為係自己鍾意嘅嘢，就算無人睇，自己都會用，審批食評已成為生活一部分。」為支持網站繼續營運，阿Ray當時身兼多職包括教授電腦、做電台、為巴士主持新科技節目、設計網絡等賺取金錢，以便有錢去供「開飯啦」營運。
增設英文版 向世界出發
阿Ray憑藉不屈不撓精神，捱過最黑暗時期，終踏上成功路。OpenRice在口耳相傳下成為飲食熱門搜尋網站，只要食指一動，便會上該網站搜尋，「嗰時啱啱數碼相機普及，啲人食嘢鍾意影低啲食物，擺上Blog（網誌），或寫食評上載。」此舉令 OpenRice 平地一聲雷爆紅起來，每月瀏覽人次數以百萬計，成為無人不識的飲食網站。
為讓「親生仔」能發揚光大，擁有更美好前途，阿Ray兩年前忍痛賣盤，現只擔任顧問身份，「愛一樣嘢，未必要緊緊攬住，有時放手，可能畀佢發揮得更好。」事實上，OpenRice已不再局限於香港，並推出澳門OpenRice、深圳OpenRice及英文版OpenRice，走出香港，向世界各地出發。
談到創業之道，阿Ray即說一定要揀自己鍾意嘅行業，要有熱誠，如果無熱誠，一遇到障礙，就會好易放棄，難以堅持；其次，是不要埋怨，創業失敗的機會率奇高，不成功常有，但可能只是時機未到，所以，創業者首要有熱誠，才能堅持下去跨過重重難關。
圖：崔祖佑
文：趙美賢