新年新開始，尋日有電台訪問各黨派議員嘅新年願望。除咗通脹呢個「公敵」外，大家都各有所求。自由黨劉健儀就想港府加快發展六大優勢產業；會計界陳茂波理所當然關注稅制發展；工聯會王國興就想降低申請交津門檻；而最有心嘅就係衞生服務界李國麟，事關佢除咗促請港府增撥醫療資源外，更不忘提醒大家流感高峰期未過，冀港人新一年小心啲、唔好中招，果真緊貼自己業界範疇。
