政情：棠哥缺席工聯團年飯

今日係年三十，工聯會尋晚提早食團年飯，喺旺角筵開三十幾席，畀職工上下開開心心食番餐，仲有獎抽，其中工聯會立法會議員黃國健送出現金同超市禮券各五百蚊，潘佩璆送現金一千蚊，王國興送包金立法會大樓模型，論心思，王國興贏晒，但工友最想抽中邊一份，大家心照啦。

據潘醫生講，棠哥尋晚無喺團年飯現身。黃國健話，身兼港區全國人大代表嘅棠哥，可能連三月北京人大、政協「兩會」都要告假，事關棠哥依家雙手無乜力，唔適宜拎行李，上到京又應酬頻繁，不利休養，唔多適合棠哥目前嘅情況。