菜園新村嘅路權問題談判一直陷於僵局，尋日鄉議局突然發出採訪通知，話主席劉皇發就事件舉行記者會，令事件得到解決嘅風聲四圍咁傳。
點知到晏晝五點原定開記者會嘅時間，發叔仲未現身，傳媒焦急之際，一位鄉議局職員殺出派發澄清聲明，話早前嘅採訪通知純屬誤發。不過佢哋一早預備嘅橫額，明明寫住記者會係尋日舉行，令成件事更加耐人尋味，總之係傾唔掂數喇，睇嚟發叔仲有排煩呀﹗
