新年換意
送虎迎兔，農曆新年互送禮品、派發紅封包等傳統習俗，是不可缺少的環節。但無可否認，交換得來的禮品，未必全合心意，不少被束諸高閣，最終歸宿可能是堆填區。其實只要透過以物易物方式，以己所不欲、換己所欲的物品，便可打造出雙贏局面，為地球減少更多的廢物。兔仔代表清潔，今年便靠「換」，換出綠色新一年。
記者 趙美賢
「好多嘢都新簇簇，甚至未用過，掉咗真係好浪費，覺得傷害緊個地球。」任職接待員的Abby自言，聖誕節交換禮物得來的禮品還未及處置，農曆新年賀禮預計亦會有一大堆，處理去留時必經腦袋交戰，因不少「舊」物仍然可用，只是嫌阻碇才忍痛丟棄；但自從Abby透過以物易物方式，將家當換領有需要物品，便不用因浪費而自責。
以物易物 減少消費
Abby表示，去年新年曾收到六盒曲奇餅、五盒朱古力等送禮王牌，難以全部「消滅」，於是透過以物易物，換取喜歡的物品，「啲嘢可以去到啲有需要嘅人手上，我又換到想要嘅嘢，環保又唔浪費!」Abby在過程中意識到消費會不斷製造垃圾，對地球造成破壞，所以亦一改以往胡亂購物的心態，「買嘢前會諗諗之外，仲會上網睇吓有冇得trade（交易）?」她又將利是封循環再用，賀年食品「食幾多買幾多」，減少造成浪費。
新婚的Mandy則稱，結婚時收到不少大同小異的賀禮，「賣出去唔值錢，畀人又未必鍾意，掉咗更加浪費！」自一年多前得知以物易物途徑後，Mandy便將舊物換為實用品，「試過用舊書換廁紙，或者換其他想買書籍，慳到錢良心又會好過啲！」Mandy今年購買新年禮品時亦以簡潔為主，減少包裝，「送禮講心，其實都估到送咩，包唔包都冇所謂啦！」
香港以物易物網董事田曉直言，保護環境為世界大趨勢，本港的堆填區快將飽和，以物易物除了慳錢以外，更可為環保出力，間接減少消費，善用資源；農曆新年前後，網站的上載率較平日增加了五成，反映巿民的環保意識正在日漸提高。