房協屋邨公園任煲煙

房協轄下共有二十個出租屋邨，位於荃灣的滿樂大廈便屬其一。不過，居民阿力（化名）卻發現邨內公園並未禁煙，居民出入時均被迫吸食二手煙，「有時想落去公園坐下，點知有人喺附近煲煙，吸吸下新鮮空氣變咗吸二手煙！」

反應慢幾拍安排失當

至於只有一街之隔的福來邨則為房署轄下公屋，邨內公園早已實施禁煙措施，阿力不滿房協反應「慢幾拍」，「人哋住公屋、我哋又係住喺公屋，點解偏偏呢度就冇禁煙嘅？」

房協發言人承認，並未將所有室外的公眾地方劃定為禁煙區。發言人指出，由○七年起已根據《吸煙（公眾衞生）條例》將出租屋邨室內公眾地方劃為禁煙區，禁煙範圍亦已擴大至部分室外活動場所如羽毛球場、太極場等。由於滿樂大廈的公園屬私人戶外地方，故不受有關條例限制。

發言人續稱，房協並非政府機構，根據土地契約，房協出租屋邨範圍內的公園均屬房協擁有的私人地方。對於被指安排失當引致居民被迫吸食二手煙一事，發言人則未有正面回應。

與滿樂大廈（左）一街之隔的福來邨（箭嘴示），邨內公眾範圍嚴禁吸煙。

滿樂大廈告示牌註明邨內嚴禁的事項，但並不包括禁煙。

招來邨外人吞雲吐霧

「唔可以一句話係私人地方就唔禁煙，公園都係畀住戶公家用！」公屋聯會主席王坤批評房協忽略二手煙帶來的禍害，未有與時並進，更衍生其他問題，「露天公園唔禁煙，隨時吸引其他禁咗煙嘅屋邨居民走入嚟煲煙！房協真係要考慮多啲、同全面啲！」王促盡快與房署同步採取更全面的禁煙措施，「房署都已經將屋邨嘅公園列入禁煙範圍，房協都應該要為居民着想，做多一步！」

全民健康動力主席勞永樂指出，二手煙已被確認屬致癌物質，長期吸入更會導致癌症，對小童而言，更容易引起呼吸道感染疾病如鼻竇炎及氣管炎，「二手煙已經證實咗對健康有危害性，唔能夠容忍！」勞認為房協應該正視有關問題。

記者 徐少琴