【本報訊】「我知被告（王守信）一直呃我好多錢，佢利用男女關係，事後雖然知道係騙局，但自己受咗，報警都不一定幫到我！」女事主陳麗萍表示，本來只想取回一些損失，甚至想過放棄追討，惟無意中聯絡上另一受害女事主劉美倩，因而改變她的想法。
陳作供時透露與劉原本互不認識，但兩女的相遇，全憑一個追收報紙費的收數人。陳指與被告同居期間，有次遇上該收數人上門追收千多元報紙費，惟該人卻叮囑陳要小心被告，言談間該人又透露一名劉姓女子曾與被告一同訂閱報紙。後來她覺得被告「不對勁」後，向收數人取得劉的聯絡方法，才發現她與劉「同病相憐」。
陳回想與被告交往的一年，被告多次要她「碌卡」，但每次對方都用不同藉口「氹你」、「呃你」。陳也曾與被告對質，但對方一概否認，陳不禁說：「做賊嘅唔會話自己係賊嘅。」對於失去金錢，陳說：「我問又問過，追又追過，佢敷衍又敷衍過，嗰刻我知係畀人呃咗，追咗一次又一次，都係想攞番損失。有諗過放棄，亦知不一定追到，但諗起佢盜用信用卡，若我唔理，只會助長呢啲人。」最後決定報警。