預算案下月公布，社會要求政府開倉紓解民困嘅呼聲此起彼落，但「鬍鬚曾」曾俊華一意孤行，至今拒絕承諾喺預算案派糖。會計界立法會議員陳茂波(Paul)尋日喺電台節目《給香港的信》，再次促請鬍鬚曾提出扶貧措施，仲好感觸咁話，做高官要有遠大目光、公義公正、掌握民意，以及識得謙虛反省，而唔係做頑固守財奴。唉，Paul呢番偉論，就當許新年願望啦，其實，香港人年年都咁望架啦，但年年都失望！
