政情：申亞承諾曾德成騎虎難下

港府早前為爭取立法會同公眾支持申辦亞運，愈講愈大，不惜誇下海口，承諾就算唔搞亞運，體育設施都會照起，結果立法會財委會否決咗撥款，政府嘅承諾卻不能煙消雲散。作為一個政府點能夠無口齒？據講港府唔敢怠慢，承諾咗嘅工程會相繼提上立法會申請撥款。不過民政事務局局長曾德成今次騎虎難下嘅效果都係正面嘅，興建咗嘅體育設施，最少都可以令市民做多啲運動強身健體吖。