政務司司長唐英年日前公開訓示八十後嘅言論，令社會各界嘩然，連佢嘅前同僚、新民黨主席葉劉淑儀尋日亦插爆佢嘅言論極具挑釁性，措詞誇張，直言港府若要化解八十後嘅鬱悶，應解決佢哋嘅問題，而非鬧人，對此感到失望。葉劉仲教訓唐唐話，作為一個政治家，做事應該講原則，講理據，唔應該表現得咁強硬。
特首爭奪戰仲未埋牙，葉劉尋日已經忍唔住喺新民黨總部開張誌慶向唐唐發炮，睇嚟好戲尚在後頭！
