退休高官中，前民政事務局常秘媽打李麗娟算得上係活躍一族，各大社團有乜頭暈身㷫，都搵媽打幫手，所以佢嘅手提，經常響唔停。早幾日，卓妮撞見媽打喺中環皇后大道中出現，邊行邊傾電話，神色凝重，即使行到入一幢大廈門外，都唔捨得上樓，繼續傾。何解咁緊張？原來係相約老友出席已故支聯會主席司徒華嘅追思會。
嚟緊新年，媽打話唔會外遊，兩個家姐由外國返港度歲，一於留港消費。
