單車標誌蝦碌運署死撐
單車徑標誌竟「左右不分」！劉先生指，彩園路近港鐵上水站A2出口一段單車徑兩旁為行人路，右邊行人路位置豎有交通標誌，惟發現擺位不當，擔心引起混淆，「標誌畫咗行人路喺左邊、單車路喺右邊，同條路相反，唔跟牌行係犯法㗎，（運輸署）點會咁大懵？」
運輸署接獲轉介後隨即將標誌移往靠近另一邊行人路，但仍「死撐」上述標誌與現場實際情況相符，且已豎立逾五年，期間並無收過類似投訴。
「一個單車牌都錯得，會唔會其他路牌都有錯？有意外點算？運輸署真係要檢討吓！」北區區議會交通及運輸委員會主席劉國勳直言，雖然有關失誤未構成嚴重意外，但凸顯當局處事未有因應實際路面情況，更令前線人員執法時尷尬，促當局定期檢討設施配合需要。