石塘咀惡臭沙井擾民

石塘咀街市地下客貨旁設有沙井，過去兩年不斷發出惡臭，令商戶及街坊聞「井」掩鼻。檔口正正位於沙井旁的梁先生便身受其害，「個（沙）井由朝臭到晚，夏天啲味仲勁，啲客臭到要兜路行，仲點會嚟我呢度買嘢？」梁指臭味嚴重影響生意，不滿投訴後當局只派員「係咁意」清洗沙井，認為未能治本，「通完冇耐又塞過，唔通個設計有問題？」

街坊繞路行 憂影響健康

惡臭持續除令商戶不滿外，亦令街坊避之則吉。經常到街市買餸的李先生直指刺鼻臭味令喉嚨不適，擔心長期吸入會影響健康。

商販代表盧允中指出，過去曾多次向食環署反映問題，但未獲正面回覆，不滿當局無視商戶訴求，「好多檔主同我呻話好臭！同佢哋（食環署）講過好多次都冇人理，真係有冤無路訴！」盧指投訴無門後，商販惟有「死頂」惡臭。

一直跟進問題的中西區區議員黃堅成不滿當局做事「歎慢板」，對臭氣問題遲遲未能解決，「臭咗起碼兩年，（當局）淨係識搵人嚟通渠，通完一樣咁臭，簡直浪費人力物力！」黃又稱，據悉建築署除清洗沙井外，亦曾接駁通氣喉及更換渠蓋，顯示當局亦認為臭氣並非只清洗沙井即可解決，「淨係做啲門面工夫安撫下（商戶），根本就冇徹底解決個問題！呢度起咗差唔多廿年，咩設備都老化啦！點解唔認真啲檢查吓條喉設計有冇問題、配唔配合到依家嘅需要？」

促徹底檢驗 尋問題根源

黃指當局未有正面處理，促當局為沙井進行徹底檢驗，盡快找出問題根源，令商戶及街坊免卻臭氣之苦。

對於有關沙井被指設計有誤，食環署發言人未有正面回應，只稱沙井由建築署負責維修，○八年十月首次接獲有關投訴，及至一○年七月再發現沙井淤塞，建築署均已即時跟進，並以高壓水力徹底清洗沙井，又指街市管理承辦商每天派員巡視，如發現沙井淤塞，會盡快清理或通知建築署跟進。

街坊心聲 李先生：「部喺正沙井隔籬，咩味都攻晒入去，搞到毒氣室咁！」

卿姐：「投訴好多次都冇改善！我日日坐喺個沙井隔籬，真係焗住聞！」

記者：蕭智湲／攝影：林永發