政情：嫻姐轟張建宗低估「居權」影響

政府早幾日突然公布，容許港人內地超齡子女申請來港定居，勞福局局長張建宗尋日話，相信呢批超齡子女即使來港，亦唔會影響本港就業情況同社會福利。工聯會副會長陳婉嫻好唔認同呢個講法，除咗直斥張建宗低估實際情況，亦擔心會令新移民同基層市民產生矛盾。佢仲話，香港政府做事被動，促請政府多創造就業，唔好等就業問題惡化先至去處理。