政情：李本瀅促邱騰華多做實事

世界各地最近天災連連，唔係雪災就水災，天文台台長李本瀅尋日喺電台上話，要改善氣候變化，全球都刻不容緩，除咗個人節約，仲要靠政府有適當政策，擺明車馬叫環境局局長邱騰華好發力做番啲嘢，無謂落後於人。佢仲話「不在其位，不謀其政」，自己唔曉獻計，不過就自爆天文台環保得多，起碼唔使靠環團逼，都自發組織起嚟，每月有一日無車日同無燈日，叫啲同事唔好揸車返工同熄燈慳電。