Party Life：港大百周年

港大今年一百歲誕辰，走過一世紀，唔容易。慶賀百歲生日嘅活動排山倒海而來，上周日call齊名人校友打響頭炮，返母校舉行「百周年啟動禮」，四千人排陣合照，場面壯觀。港大趁此機會晒冷，「百年老店」人才濟濟。另一邊廂，匯聚富豪二代嘅百仁基金，早前舉行全體會員大會，喺銅鑼灣富聲飯聚，順便舉行「腦震盪」，還請來中聯辦副主任王志民為座上客，百仁基金主席施榮忻預告今年搞作多，重點協助中游青年，幫佢哋搵工兼重拾自信，成班富二代都會瞓身支持。