政情：毒蛋風波周一鑊推莊歐盟
疑受二噁英污染嘅德國毒蛋直撲香港，食物及衞生局局長周一鑊早前仲話流入香港嘅德國蛋應該一早賣晒，點知轉頭食環署就發現德國蛋通街有得賣。周一鑊尋日去完立法會，終於呼籲業界停售德國蛋製品，又話化驗二噁英需時一星期，市民暫時唔好食德國蛋住喎。咁香港禁唔禁德國蛋入口呢？周一鑊索性「推莊」畀歐盟，話德國同歐盟迄今無發禁售令或禁運令，又讚歐盟嘅食安政策好嚴謹，言下之意香港無意咁做喇。事事睇外國頭，唔使請佢做局長啦！
疑受二噁英污染嘅德國毒蛋直撲香港，食物及衞生局局長周一鑊早前仲話流入香港嘅德國蛋應該一早賣晒，點知轉頭食環署就發現德國蛋通街有得賣。周一鑊尋日去完立法會，終於呼籲業界停售德國蛋製品，又話化驗二噁英需時一星期，市民暫時唔好食德國蛋住喎。咁香港禁唔禁德國蛋入口呢？周一鑊索性「推莊」畀歐盟，話德國同歐盟迄今無發禁售令或禁運令，又讚歐盟嘅食安政策好嚴謹，言下之意香港無意咁做喇。事事睇外國頭，唔使請佢做局長啦！
