錄影帶龔陳四分半鐘親暱對話節錄

陳：作狀，錫到佢燶，錫到佢燶，錫到燶，錫到燶。老竇得嘅，老竇，人哋以為你賣車廣告。

龔：係咩？係嘞，做賣車廣告。

陳：唔，一於咁嘞，賣車廣告，依家就真係似賣車廣告嘞，咁樣都幾似賣車廣告個噃。

龔：Yeah。

陳：一於咁喇，就用賣車廣告做題材喇，下次送畀Toyota，問佢賣唔賣……賣唔賣股份出嚟。

龔：Toyota幾好㗎。

陳：好㗎，如果佢肯賣就好嘢嚟㗎。

龔：嗄，嗄。係咪日本車中，Toyota算最好呢？

陳：算最好囉，我覺得算最好囉。

龔：唔，唔。不過我始終唔係好鍾意日本車嘅。

陳：點解啫？

龔：唔，唔。

陳：佢始終都唔係幾好，覺得？

龔：我就覺得好似……好似豆泥啲。

陳：唔會。

龔：嗰個殼。

陳：揼一揼扁咗。

龔：係咪薄咗？

陳：可能係扁咗，你揼一揼佢扁咗。

龔：不過……（聽不清）嗰隻顏色好靚，老竇，嗰隻顏色好靚呵，嗰個算咩嘢顏色呀？

陳：係喎，不如你作狀……不如你作狀揸車都好喎，係咪……好唔好？

龔：作狀揸車。

陳：唔唔。好耐冇揸過車喇，係喎。Hi，你有幾耐冇揸過車呢？

龔：好耐囉，都唔知識唔識揸。

陳：畀條鎖匙你，如果你識唔識撻着佢呢？唔係嗰……係大嗰條呀，記實。唔知點呀？向右扭就係撻着佢㗎喇，大力啲喇。其他唔好郁嘞，如果唔係，架車舂咗上前面就弊嘞。

龔：開。

陳：唔好，開咗佢，呢個豬豬。

龔：Hello。

陳：Hello。

龔：我自己開咗走，留低你喺度。

陳：唔好呀，唔好呀，咁樣開走咗，留低個老竇……（聽不清），呢個豬豬，唔得呀，你依家唔係㗎，你未開手掣呀，喂，豬豬，你未開手掣呀。

龔：手掣喺邊度？

陳：真係衝咗落去呀，你。嗱，你停止，唔好踩油住，停止。我以為你……

龔：咦，咁驚嘅，咁驚嘅。

陳：我以為你衝咗上去前面撞親咗自己。

龔：車嚟，車嚟。

陳：唔，咁好吖，車嚟唔緊要呀，由得佢車嚟算嘞，撞唔到老竇豬嘅。

龔：咁驚。

陳：一陣撞親心肝寶貝點算喎。

龔：玻璃窗點開呀？

陳：呢個窗呀？有個掣嘅，你要扭着佢嘞，你要扭着。

龔：哦。

陳：唔係，你錯嘞，你錯嘞。

龔：唔。

陳：……你要拎開咗個鎖匙。

龔：唔。

陳：唔需要撻火，咁呢度有個掣，燈側邊有個掣，向後一，唔係，向後，向後，向後。

龔：咗囉。呢個畀威威嚟坐最好，個頭擠喺度。

陳：伸咗出去。一於我就話不如你畀咗我用威威做……威威坐……威威坐……（聽不清），伸個頭出去喇。

龔：Hello。

陳：……係喎，即刻可以賣廣告㗎嘞，豬豬。嗱，唔准郁呀，繼續……繼續做戲㗎要，仲有成三十分鐘㗎。

龔：仲有三十分鐘。

陳：慘嘞，依家先做得八分鐘咋。

龔：人哋以為我哋喺度賣廣告。

陳：似唔似賣廣告呢？一定似。你隻……

龔：……（聽不清）架車畀佢坐爛。

陳：你阿豬豬，真係……嚇死人嘞，依家坐咗上……