近期多間參茸海味店被爆竊，竊匪得手後會將賊贓盡快散貨，以較平的價格向店主或市民兜售。不過，法律界人士提醒大家便宜莫貪，因為分分鐘會被控「接贓罪」，最高被判監十四年。
「如果貨品平到一個唔合理價錢，而購買者又係識貨之人，貨物又係賊贓，一旦畀警方捉到，購買者可能會被控『接贓罪』，最高可被判監十四年！」法律界人士黃國桐提醒，市民購買來歷不明的貨品，雖然可以用「唔識」作為抗辯買賊贓的理由，但如購買的是燕窩、冬蟲草等，是人人皆知的貴價貨，購買者便很難再以「唔識」作為抗辯理由，一旦被證實買家以往常購買海味進食，就更難脫罪。
「唔係講笑！之前都有多宗案件，因為購買者一時貪心購入『老鼠貨』而被控『接贓罪』。」他透露，其中一宗案件的被告人以低價購入公價名錶；另一宗的被告人則透過網上以「超筍」價錢購入滑水用品，最後法官及執法人員都不接納被告人以「唔識」作為接贓的理由。