政情：田二少暗寸自由黨長短腳
新成立嘅新民黨副主席田北辰，喺尋日元旦日接受電台訪問，大談新黨嘅新一年大計，當然亦唔少得再暗寸自由黨。佢話好欣賞新黨獨立理性，唔係逢商界、逢老闆提出嘅都支持，打工仔有道理時亦會支持勞方，明顯係講緊最低工資同大家樂事件。問佢新黨會唔會參與功能界別選舉，佢就話兩條腿走路係啱嘅，但千祈唔好長短腳，搞到行路拐吓拐吓，唔使問都知佢又係講緊自由黨。
新成立嘅新民黨副主席田北辰，喺尋日元旦日接受電台訪問，大談新黨嘅新一年大計，當然亦唔少得再暗寸自由黨。佢話好欣賞新黨獨立理性，唔係逢商界、逢老闆提出嘅都支持，打工仔有道理時亦會支持勞方，明顯係講緊最低工資同大家樂事件。問佢新黨會唔會參與功能界別選舉，佢就話兩條腿走路係啱嘅，但千祈唔好長短腳，搞到行路拐吓拐吓，唔使問都知佢又係講緊自由黨。
