政情：肥亨夫婦助貧童遊方舟
聖誕節普天同慶大日子又來臨，可能大家嘅活動多到去唔晒，但對於一啲貧窮家庭，能夠參加一個派對已相當滿足。中策集團主席馬時亨同喺基督教團體「全城更新」任主席嘅太太王培琪（Linda），去年聖誕前夕邀請五百名貧窮兒童到馬灣「挪亞方舟」享用聖誕大餐後，今年再接再厲兼加碼，資助七百名貧窮兒童及其家人到挪亞方舟遊玩。
肥亨話，今年嘅送暖活動叫「喜悅之聖誕2010全城愛無限」，喺本周六（十八日）舉行，節目包括藝人歌舞表演、報佳音及聖誕生命樹亮燈等，仲預備咗一千份食品禮物包，派發畀獲邀參加嘅七百名來自十八區嘅貧窮兒童，希望大家度過一個幸福又愉快嘅聖誕節。不過，肥亨話當日自己有要事離港，所以未能參與活動，屆時就要勞煩太太獨擔大旗喇。
肥亨一家聖誕送暖，元旦前肥亨夫婦同兩個女會去南非旅行，共享天倫。