【本報訊】車禍現場的大埔道，由於車輛由「長命斜」直衝而下，車速頗快，該處又位處交匯處，過往曾發生多宗交通意外，有區議員指曾多次要求改善路面，但批評當局置若罔聞，終導致再釀悲劇。有專家則指，大型車輛落斜時，長期使用「高波」，易令腳掣及機件耗損，引致失靈。
深水埗區議員鄭泳舜指出，昨日出事路段為危險交通黑點，車禍頻生，過去兩年多，他已屢次向運輸署反映，在今年二月的奪命車禍後，他亦曾舊事重提，要求增加交通燈位及改善路面設計，包括在前北九龍裁判法院位置加裝燈號，令車輛需要稍作停頓，避免「一條氣」俯衝而下，惟一直未見改善，對今次奪命車禍深表遺憾。
另外，香港汽車工業學會會長李耀培指出，大型車輛行駛高速公路，多數用高波，但上落斜則應轉用低波，若落斜收慢時繼續以高波行駛，易令風箱破損，引致風煞無氣。而大型車輛一旦發現腳掣失靈，司機最重要保持鎮定，設法收慢車速，必要時可靠左撞向路欄或石壆把車停下。李稱，其實最重要應在開車前檢查清楚各機件，以便及早發現問題。