身陷囹圄的維基解密始創人阿桑奇以一連串洩秘故事，搞到虛擬世界與真實世界的關係變得更錯綜複雜，假作真時真亦假，無為有處有還無，把秘密竊聞變成繽紛的彩球。阿桑奇一樣有粉絲，俄羅斯當局在諾貝爾和平獎頒獎禮前夕放風，指阿桑奇也應獲和平獎，普京更指監禁阿桑奇不民主。
可見和平獎並不是甚麼洪水猛獸，人人心目中都有自己的和平偶像，有人更指鄧小平更應得諾貝爾和平獎，亦有人指孔子也是和平的象徵。講吓講吓，香港保安局官員都好似應該得獎噃。點解？佢老哥喺○八奧馬舉辦期間，雖然收到本港會成為恐襲目標，不過因消息「籠統」，是以不向外界公布以免製造不必要的「恐慌」，好似話乜乜航空有炸彈，唔通又去擾攘一番咩！你話喇，如此「一點春心只護港」，係唔係好應該得和平獎呢？
所以話有啲嘢見得多就平常，老朽唔會向《花花公子》創辦人赫夫納講色字頭上一把刀；與搖滾天后麥當娜談論如何做淑女；與緬甸精神領袖昂山淑姬談如何不躁不餒，長期漸進的堅韌精神……英雄慣見亦常人，是以和平見慣亦常事，何必對着「和平」兩字如見史前怪獸，自亂陣腳，給人看到「色厲內荏」？
北大憲法學教授張千帆指出：公權力每一次錯誤濫用，都根本上損害政府的合法性，並腐蝕人民對政府法治的信心。對待和平獎，合該用和平心、平和氣，何須急躁的自亂陣腳。反之，日本對中國處處進逼，甚麼《防衞計劃大綱》，劍指咽喉，該給它打兩記和平的大炮，以韓國為師，不亦妙哉！