政情：田二少「改嫁」見票化水

葉劉尋日首度品評新歡，話同田二少「相睇」咗一次，印象唔錯，講笑話經營G2000嘅田二少應有大量Ｔ恤做「嫁妝」，又話大家係成年人，唔怕「結婚」後成日嗌交。葉劉直情就當件事係一場嫁娶咁對待，一啲都冇面紅。

自由黨原本諗住好嚟好去，繼續支持田二少喺新界西參選，不過，依家田二少「改嫁」，就嚟到手嘅選票可能見財化水。Miriam指，如果田二少獨身，助選有得傾，但如果改嫁咗，自由黨無理由派人支持其他政黨嘅候選人咁搞笑㗎，咁就要重新傾過嘞。有自由黨地區骨幹亦話，擔心支持票落咗葉劉個袋就一去無回頭，如果田二少改嫁，好難出手助選。