政府連番出招遏樓市，可惜早三次全是虛晃，完全無料到。終於落重藥，推出三辣招：其一，額外印花稅分三級制，六個月或以內轉售徵收百分之十五，此舉為遏制短炒；其二，是不容許任何住宅物業交易延遲繳交印花稅，最後是進一步收緊按揭成數。
政府無論施政或出招，向來落後形勢，從來都不會防患於未然，唔係水浸眼眉都唔搭橋修路。有多名學者便指出新措施容易殺錯良民，未必所有短期轉售物業者均為炒家，部分因生意失敗或失業有病需「賣樓救命」嘅，無辜辜就咁中招，你都咪話唔悲情。
此外，新措施又變相否定臨時買賣合約，對新買家不公平，因即使前晚「趕夜車」簽臨時買賣合約的買家，若於兩年內轉售物業，有關買家亦要繳交額外印花稅。
新三辣招即使勁過「八萬五」，有論者指出未能真正打擊大鱷，皆因其仍可靠放租延至兩年後賣樓獲利。政府是否好心做壞事，相信未來必定有好多聲音。而年輕人，即使大學畢業，恐怕一樣置業難，「結婚要買樓就多摩擦」，一啲冇錯，如今年輕人感情咁薄弱，買咗樓未供夠半年，鬧離婚要賣樓又要額外印花稅，分分鐘變負資產，唔多摩擦就有鬼咯！
當今正流行一種新的評價標準，它起源於科技領域，已適用於幾乎所有領域：從消費到工作再到社會關係。人們把這個標準命名為「夠好」。「夠好」意味着過得去，雖然不完美，但已經能夠滿足目前的需要。鬍鬚曾之三辣招遏樓火，當作「夠好」觀，抵拒攞大勳章！