前個人資料私隱專員吳斌退任之後繼續做律師，生活步伐好緊湊。上周三下晝四點幾，卓妮見吳斌急步行到利源西街一個攤檔前，買咗個有感光功能嘅數字鬧鐘，盛惠九十八蚊，連袋都唔使就咁拎住個鐘急步橫過電車路，完全唔跟紅綠燈。卓妮同佢打招呼，佢話屋企鬧鐘壞咗，但傾兩句就趕住走。卓妮就認為，無論幾趕都好，過馬路都應該注意安全。
（陳嘉順攝）
