中環出更：霍震霆開兩部手機等報喜

Tim霍尋日風塵僕僕，由廣州返港出席「亞太區室內設計大獎頒獎禮」，講起香港足球代表隊喺十六強止步，Tim霍話球員表現交出水準，打入十六強已係歷史上嘅好成績。對於有香港健兒摘金，佢笑到好似自己攞牌咁開心，笑言只係開始，希望港人齊心打氣。咁會否私人重酬奪金健兒呢？佢就擺出鬼馬笑容，話係秘密。

Tim霍今日又馬不停蹄撲上廣州繼續觀戰，實獎牌榜。話就話輸贏唔緊要，但Tim霍其實好期待攞牌，佢自爆近日長開兩部手提電話，一有健兒攞獎，電話就會傳來喜訊話：「會長，又攞牌喇！」聽見都心甜。