探射燈：澳僱主讚越傭抵得諗
港僱主聘請外傭面對最大的難題，是不少外傭會「呢樣唔做、嗰樣唔制」，總之聲氣多多，反之越傭則易話為得多。
澳門人何太有三十年聘用外傭的經驗，九十年代曾聘請內地人做女傭，後期曾僱用兩名菲傭，「同菲傭真係語言不通，而且成日嚷加人工，嚷放假，真係配合唔到。」何兩年前再請女傭，由於家有三狗一貓，不少外傭都拒做，最後轉請越傭才一拍即合，「阿秋（越傭）冇照顧過狗嘅經驗，但一嚟到都好耐性，打理家務做得好妥當。」
半夜起身照顧初生嬰
另一僱主余太亦指，因擔心印傭不吃豬肉的習慣，而具質素的菲傭又湧往賭場工作，最後嘗試聘請越傭，雖然起初在衞生習慣上略有不同，不過越傭阿蓮很快就適應，而且照顧兩名分別兩歲和初生的小朋友也很細心，「細仔剛出世冇幾耐，佢半夜都肯起身幫我照顧，相信唔係個個外傭都肯。」