政情：前高官唱雙簧炮轟退休政策

兩位前高官尋日出席爭取全民退休保障聯席舉辦嘅論壇時，不約而同批評港府一直拖延設立全民退休保障。曾任行政長官辦公室主任嘅林煥光仲列舉好多數據，反駁政府成日話自己合乎世界銀行提出嘅三項退休保障政策。王永平就仲激，講到明覺得政府唔做嘢，一味喺度拖，連殖民地政府都不如。兩個人一唱一和，簡直係大合唱。