碧雲道常維修仍欠平坦
路面不平，無論駕駛者與行人皆受影響。顏先生經常駕車駛經藍田碧雲道，發現路面近期不斷進行維修工程，但完工後仍然凹凸不平，「兩個月前先整完一次，最近條路又係凹凹凸凸，好似冇整過咁，每次行過嗰度都好驚出意外！」
當區區議員柯創盛亦質疑路政署未有督促承辦商為工程善後，有浪費公帑之嫌，「整完冇耐又整，嘥錢之餘亦令人懷疑，路政署嘅監工同驗收都有問題！」柯續稱，上址設有安全島供市民使用，擔心路面不平亦影響行人安全，「路政署話要年底先再整，佢哋都唔識急事急辦嘅道理，如果嗰度出現意外咁邊個負責？」
路政署發言人證實，職員早前發現部分路面略呈不平，已指示承建商着手籌劃在年底前重鋪有關路面，保障行車安全。