回收鐵籠霸路噪音擾民
回收攤檔公然佔用行人路，食物環境衞生署竟「是是但但」無視問題！梁小姐每天下午均陪同小孩到頌雅路踏單車，但常須左閃右避回收鐵籠，「啲鐵籠擺咗喺度好耐，打畀食環署好多次，冇一次覆過，離晒譜！」梁又指因家住鄰近頌雅路的低層單位，常被推動鐵籠時發出的巨響滋擾，不勝其煩。
食環署發言人表示，派員巡查後發現上址有小量回收物品放置行人路上，但未有噪音問題，已向檔主發出口頭警告，負責人更即時移走物品。食環署更指由今年八月至今，共接獲八宗投訴，全部均獲跟進處理。
不過，大埔區區議員余智榮認為食環署逃避責任，對有關回應大感不滿，「我前兩日都仲見到佢哋擺檔，啲鐵籠又嘈，咁都叫跟進咗，有冇搞錯！」余直言食環署無視上址回收攤檔阻街已屬失職，以「唔關我事」態度處理更有推卸責任之嫌。